Af hverju í andsk.

    Af hverju eru þessir skallapopparar að skipta sér af þessu? Afríka er auðug af náttúruauðlindum.  Eina sem leiðtogar G 8 gera er að stilla til friðar þegar pöpullinn soltinn og þreyttur reynir að sarga hausinn af "leiðtogum" sem vilja selja G 8 ríkjum auðlindir á útsöluverði og leggja söluandvirðið inn á reikning Sviss.

    Þetta er eins og að biðja Valgerði Sverris að  stoppa álversvæðingu íslands.

Stjörnur þrýsta á leiðtoga á G8-ríkjanna

hræðsluáróður og hugleysi

Þessi skoðanakönnun ber þess vitni um að kjósendur séu að falla í gömlu vinstri Grýlugildruna.  Framsókn farin að hóta kjósendum "meira fylgi eða við erum farin".  Ef Framsókn fer verða Sjálfstæðismenn að fara í samstarf við Samfylkinguna eða jafnvel Vinstri Græna....sem er að mati spilltasta flokks landsins, ef flokk skyldi kalla (hópur fólks í atvinnuleit kannski betri skilgreining) hræðilegt.  Kjósendur virðast trúa þessu, sumir treysta sér þó ekki að kjósa Framsókn og velja Samfylkinguna í staðinn.  Sjálfstæðismenn eru búnir að festa það í þjóðarsálina að þeir séu einir um að geta varðveitt stöðugleika...hvaða stöðuleika eru þeir þá að tala um?  Síðast kusu menn Sjálfstæðisflokkinn af því þeir gátu haldið í Varnarliðið hvernig fór það?  Hjálpað ungu fólki að eignast sína fyrstu íbúð, sem kostar núna 20 millj eða meira og er of dýr vegna vaxta og fasteignagjalda fyrir flesta íslendinga.  Stuðla að stöðuleika í hagstjórn, við erum með hæstu vexti á byggðu bóli.  Haldið okkur frá Evrópusambandinu, HALLÓ við erum ekki velkomin þar eins og ástandið er núna hjá okkur!!!!  Minnka ríkisbáknið, útgjöld ríkisins hafa aldrei verið hærri eða vaxið hraðar.  Hafið það hugfast huglausu kjósendur að ef þið kjósið Framsókn eða Sjálfstæðismenn verður vatn og raforka til heimilisins orðin lúxusvara áður en þið vitið af.  Laun ykkar verða að lækka til þess að gera umhverfi fyrirtækja meira aðlaðandi.......annars enginn hagvöxtur.  Síðan verðið þið að vinna myrkrana á milli næstu fjögur ár til þess að breyta til batnaðar, fyrir okkur landsmenn. 

Fylgi Samfylkingar og Framsóknarflokks eykst

Þjóðsöngurinn

,,Þjóðsönginn skal ekki flytja eða birta í annarri mynd en hinni upprunalegu gerð. Ekki er heimilt að nota þjóðsönginn á nokkurn hátt í viðskipta- eða auglýsingaskyni. "

   Þegar þjóðsöngurinn var fluttur á Laugardagskvöld með nýjum texta  Spaugstofumanna var líklega um mistök eða yfirsjón að ræða, svo var ekki þegar hann var fluttur í spjallþáttum, fréttum og endursýningum dagana eftir.  Ég er aðdáandi Spaugstofumanna og horfir á þætti þeirra, betra hefði mér þótt ef þeir hefðu beðist afsökunar á þessari yfirsjón, en ekki imprað á því að stöðvun sýninga atriðisins umrædda væri ritskoðun. Sú fásinna að það sé ritskoðun að stöðva flutning þjóðsöngsins í annari en upprunalegu gerð opinberlega er vafasöm, er þá verið að brjóta  gegn rétti grínista til að brjóta landslög og misbjóða samlöndum sínum opinberlega?   Ef þetta er það sem koma skal hjá RÚV ohf þykir mér miður. Ríkisútvarpið hefur í gegnum tíðina frætt okkur og skemmt, flutt þjóðlegan fróðleik í bland við menningu.  Ríkisútvarpið hefur gegnt því mikilvæga hlutverki að vera  upplýsingamiðill á neyðartímum og því trúverðugleiki stofnunarinnar mikilvægur. Ég vona að "nútíma" stjórnendur sem þarna hafa tekið sæti víki sem fyrst og löghlýðnir stjórnendur, vandir af virðingu sinni taki við. 

Spaugstofumenn brutu lög um þjóðsönginn

Ósmekklegt

Það er fyrir neðan allar hellur að birta erótíska mynd af þessari ólukkulegu stúlku þegar fjallað er um ótímabært andlát hennar, ef Mogginn vill verða sorp fréttablaði eins og DV segi ég upp minni áskrift.

Júlíus

Ofneysla lyfja olli dauða Önnu Nicole

Klám framhald

 

Klámráðstefna Feminista 08.03.07.

 

Skellti mér á klámráðstefnu í gærkvöldi hjá Karladeild Femínistafélagsins.  Eins og áður hefur komið fram á bloggi mínu var ég ekki fylgjandi því að banna fólki aðgang að gistingu og jafnvel landinu vegna starfa þeirra í klámiðnaði.  Á þessum fundi var þetta rætt frá sjónarhorni feminista.  Það má líta á þetta þannig að fólk í klámiðnaði starfi við eitthvað í sínu heimalandi sem brjóti í bága við íslensk lög.  Ég er samt ekki sannfærður um að við getum hérna á eyjunni fögru refsað því og svipt þau almennum mannréttindum, ferðafrelsi osfv.  Það eina sem ég var hjartanlega ósammála var sú fullyrðing eins fundarmanns að klámiðnaðurinn væri arðbær iðnaður sem skilaði miklum tekjum og ætti því rétt á sér.   Það eina sem getur stoppað "klámvæðingu" er siðferði einstaklinga að mínu mati, klámiðnaðurinn stefnir í þá átt að gera konur að fórnarlömbum og jafnvel að láta í það skína að það sé hlutverk sem konur eru sáttar við.  Fólk sem kemur að klámiðnaðinum fer illa út úr þeim samskiptum skv rannsóknum (allavega í flestum tilvikum).  Einn fundarmanna á klámráðstefnunni kom með þá hugmynd að hafa gæðavottun á klámi eins og á matvælum t.d. einstaklingar í þessari klámmynd eru ekki frá brotnu heimili, voru ekki misnotaðir í æsku, elska og virða hvort annað og fannst þátttaka í myndinni fullnægjandi og mannbætandi!!!  Ég er sannfærður um að klám er ekki af hinu góða og ekki mannbætandi á neinn hátt.  Við látum bjóða okkur hluti í klámvæddu neyslusamfélagi sem stríða gegn siðgæðisvitund okkar, af hverju gerum við ekkert í því?  Hugsið þið ykkur þegar umhyggjusöm móðir kvartaði við starfsmann í tískuverslun sem seldi fermingartískubol sem stóð á " I am a porn star" og fékk þau svör að þetta væri tískan og tíðarandinn!!  Kannski var þessi starfsmaður að hitta í mark með þessu svari, jafnvel án þess að vita það.  Siðferðiskennd okkar, þrek okkar til að fylgja henni, sýna hugrekki og karkter er það eina sem getur stoppað klámvæðingu,  ekki boð og bönn.  Við erum orðin lúin og siðferðisþrek okkar á þrotum, GERUM EITTHVAÐ!  Tími barna með foreldrum, frjáls og opin umræða er það sem okkar samfélag þarfnast.  En öllu er rænt!!  því nú er það X-Bé og síminn sem auglýsa notið símann til að hringja í börnin (því samskipti fjölskyldunar er svo mikilvægt) og ef þið kjósið Framsókn munið þið eiga tíma með fjölskyldunni.........þvílikt bull,  ég vona góðir landar að þið látið ekki glepjast, ég skipti um símafyrirtæki( hef aldrei kosið Framsókn!).  Kynlíf er öllum nauðsyn, en það hlýtur að vera betra með manneskju en rafmagstæki, samkvæmt rannsóknum þarf einstaklingur ekki að horfa mikið á klám þar til hann fer að hafa hærri þröskuld og jafnvel sækjast eftir "jaðar" kynlífi sem miðast þá ekki lengur við ást eða væntumþykju fyrir elskenda eða rekkjunaut.  Þegar þangað er komið fer einstaklingurinn að vera háður klámi eins og fíkill.  Klámiðnaðurinn er því að gera útá lægstu kvatir og óöryggi einstaklinga með gróða að leiðarljósi, gróðavonin er gífurleg, en markmiðið af sama skapi ekki göfugt.  Við virðumst vera óörugg sem einstaklingar og leitum því í kynlíf með rafmagnstækjum og er það miður, kannski vegna þess að þá þurfum við ekki að hafa áhyggjur af því að afhjúpa okkur (því við erum nefnilega ekki eins hrein og bein og fólkið í sjónvarpinu).  Af hverju talar fullorðið fólk saman á spjallsíðum og með smáskilaboðum þegar það hefur áhuga á nánum kynnum?  Það er sorgleg þróun sem ber vitni sambandsleysis milli einstaklinga og skort á hæfileikum til að tjá sig hreinskilnislega í  samfélaginu.  Segjum skoðun okkar látum ekki misbjóða okkur lengur!!!

YAK 12 heim í Sumar

 

Nú erum við Sigurður Ásgeirsson búnir að heimsækja djásnið, hérna eru nokkrar myndir...og já Sunna þú ert bókuð í fyrstu ferð.

Nú hefur hópur flugáhugamanna sett sér það takmark að koma Yak 12 til landsins og bæta í flugvélaflóruna fyrir sumarið.  Undirritaður er einn af þessum flugdelluköllum.

Þessi vél er stór og stór skemmtileg, 5 sæta með gott farangursrými.  Stuttbrautar eiginleikar eru með besta móti og þarf hún vel innan við 100 metra til að athafna sig.  Virðuleg með 12.60 metra vænghaf , stjörnuhreyfil ekki ósvipaður og er í BCX og BCW knýr þetta loftfar áfram, Ivchenko 14RA , 260 hestöfl.  Þetta gæti því orðið mjög skemmtilegt flugsumar og allavega 4 Yakar á sveimi um landið.     

Leiðbeiningar fyrir íslenska milljarðamæringa

   

• 1. Við búum á eyju í Norður Atlantshafi, hún heitir Ísland. Hérna eru allir jafnir fyrir dómi og lögum. Í okkar landi er Þjóðkirkja, gjaldmiðillinn er króna, við erum ekki í evrópusambandinu, allir sem leggja hönd á plóg eru velkomnir, við borðum rjúpur og hangikjöt á hátíðum, súrmeti á Þorra og við höfum þjóðþing. . Þessum hlutum verður ekki breytt!!! Þó að þeir tefji stundum útrás ykkar, þetta er það sem við köllum í daglegu tali saga, kannski ekki skráð í Kauphöllum en okkur mikilvæg engu að síður. Það hefur verið sú hefð hér um ára skeið að þeir sem ekki geta borið sína byrgðir fái hjálp fá okkur sem erum aflögu fær, þrátt fyrir að sú hefð virðist vera deyja út skal ég fullvissa ykkur um að svo er ekki, við höfum bara haft það aðeins of gott og gleymt okkur um stund. Þið hafið táldregið ríkisstjórnina síðustu misseri, það slæðast alltaf því miður nokkrir á þing í hverjum kosningum, aðilar sem ætla sér að nota stöðu sína til að komast í álnir, eða kynnast ykkur ríka fólkinu með samband eða vinaskap í huga. Þeir tilheyra flestir flokki sem kallast Framsóknarflokkur, við þjóðin höfum ákveðið að uppræta þann hóp á næsta kjörfundi.
• • 2. Þið borgið 10% í samneysluna af ykkar innkomu, við hin borgum 37.73%, ekki falla í þá gryfju að reyna að koma undan fé. Við vitum að ykkur þykir vænt um auðinn en það er merki um andlega vanheill þegar sá sem nóg á reynir að koma undan silfri er gjalda skal þjóðinni.
  • 3. Ekki hóta að fara með peningana til útlanda, það er afar ósmekklegt þar sem þið komuð undir ykkur fótunum hérna heima. Innantómar hótanir rýra bara traust ykkar og ekki eru peningar mikils virði án mannorðs. Ef þið farið með allt ykkar hafurtask þá munið þið aldrei öðlast sálarfrið. Landlaus maður er lánlaus.
  • 4. Að hjálpa þeim er minna mega sín er göfugt, munið þó það að gjöf gerir gefanda ekki sóma ef gjöfin auglýst er. Það ber ekki merki um stórhug að tilkynna landi og þjóð í hvert sinn er gefið er til góðra málefna, það rýrir og jafnvel í sumum tilfellum niðurlægir þyggjanda, og er þá betur heima setið en farið af stað.
  • 5. Þegar auðmjúkir stjórnmálamenn bjóða ykkur til kaups þjóðargersemi eins og Heilsugæslustöðina, Fríkirkjuveg 11 osfv, vinsamlegast afþakkið því þetta er sameign okkar í landinu og ekki misvitra þjóðkjörinna framapotara að braska með eða bjóða falt.
  • 6. Munið síðast en ekki síst að núna þegar að þið hafið útilokað samkeppni á markaði nauðsynjavara í skjóli stjórnvalda að fara vel með. Okur frá ykkar hendi mun ekki vera liðið að endalausu og ekki skapa ykkur velvild og virðingu. Ef þessi ráð eru að ykkar mati ekki góð frá viðskiptasjónarmiðum munið þá bara, Góðum manni getur ekkert grandað því góður maður hefur ekkert að fela.

 

Fórnir

 

     Þegar yfirvöld ákveða að breyta heimsmynd okkar.  Manneskja greinilega sem ekki er sátt tjáir sig um fyrirhugaðar breytingar/framkvæmdir á sínu umhverfi við fjölmiðlafólk.  Við sem lifum hratt, stoppum aldrei til þess að skoða hvað fer fram í kringum okkur, svona fréttaflutningur snertir okkur lítið.   Hvað fékk fólk til þess að beita sér gegn þessum breytingum/ framkvæmdum?  Skilur það ekki? Það sem er óhagkvæmt verður að víkja!

       Fyrir ekki svo ýkja löngu datt  skynsömu fólki ekki til hugar að einkavæða bæri grunn þjónustu  landsmanna, Landsímann, Sjónvarpið, bankana, samgöngumannvirki osfv.  Þessi einkavæðing hefur ekki staðið undir væntingum, kannski ekki rétt að tala um væntingar, við gerðum okkur svo sem engar, stjórnmálamenn sem trúðu ráðum kauphallahéðna hafa kannski beðið spenntir.  Fyrir okkur hin þýðir þetta bara hagnaður fyrir fá útvalda en aukinn kostnaður og óhagræðing fyrir okkur hin.  Ef takmarkið með einkavæðingu var að skapa nokkra milljarðamæringa á íslandi hefur þetta tekist prýðilega.  Munið þið þegar bankarnir buðu fyrir nokkrum misserum 4.15% húsnæðislán?  Þá voru þeir sem vildu halda í Íbúðarlánasjóð taldir skrítnir eða kannski í besta falli með fortíðarhyggju,  það er núna að koma í ljós að þeir voru líklega bara framsýnir.  Þetta fljótfærnis  kosningaloforð X-Bé 90% lán hefur kostað samfélagið mikið og þá helst sem eru að stíga sín fyrstu skref á fasteignamarkaði og verða að kaupa íbúð á yfir 20.millj.

 Viðkvæmir staðir teknir undir samgöngu mannvirki og orkuveitur, hvers vegna?  Það er staðreynd að við lifum ekki á loftinu og einhverju  þurfum við að fórna til að halda samfélaginu gangandi, en erum við ekki eins og staðan er í dag að breyta náttúruperlum í flatsjónvörp og pallbíla?

Klámráðstefna á Íslandi.

Er ekki viðeigandi að halda klámráðstefnu á Íslandi?  Eru þessir klám framleiðendur ekki í útrás?   Seljandi "náttúruafurðir" á erlendum mörkuðum sínu landi og þjóð til heilla og hagnaðar.  Þessi ráðstefna mun stuðla að hagvexti og þeir sem eru á móti honum eru vinsamlegast beðnir um að flytja til Svíþjóðar!  Icelandair, Hótel Saga, skemmtistaðir og leigubílastöðvar munu að öllum líkindum greiða skatta af þessum viðskiptum inní ríkiskassann! Hafa ber í huga að þessir klámhundar munu greiða 24.5% skatt af sínu brambolti á meðan öryrkjar og ellilífeyrisþegar borga tekjuskatt 37.73% og síðan 24.5% af nánast flestu er þeir fjárfesta í sbr. lúxusvöru eins og matvælum og fötum,  það er nefnilega sniðugt að nota skatta til að forða þjóðfélaginu frá óæskilegu fólki eins og gamlingjum.  Mikið væri gaman ef allir hérna væru ungir og efnilegir og gætu leikið í klámmyndum, það myndi stuðla að hagvexti og hagstæðum viðskiptajöfnuði við útlönd, fullnægt fólk kvartar heldur ekki yfir matvöruverði.  Í stað þess höfum við öryrkja, ellilífeyriþega, börn og aðra bagga á hagkerfinu.  Ég þakka bara mínum sæla fyrir að allir skörungarnir í samfélaginu eru komnir á elliheimili eða yfir móðuna miklu, þið vitið þessir gömlu, sem sögðu heilbrigðisþjónustu fyrir alla, samgöngur fyrir alla, virðulegt ævikvöld fyrir alla.......þvílíkir bjánar!  Þetta gamla fólk, sem byggði grunninn að velferð okkar er ekki með neina pappíra uppá það!  Þessar óheppnu stúlkur, sem leika í þessum myndum, líklega vegna lágs sjálfsmats, hefðu þær ekki hvort eð er stundað kynlíf?  Getur verið að sá ráðherra, sem mest hefur traustið fari með fleipur?  Hvað er málið?   Við gætum kannski bjargað einum fossi með því að gera Keflavíkurflugvöll að klámmynda kvikmyndaveri,  Því ekki það?   Ómar gæti verið þar á Örkinni og tekið myndir.   Fólk sem er upptekið við bólfarir veldur ekki svifryki, það er staðreynd.  Erum við ekki að reyna vera eins og útlendingar?   Við eigum enga sögu! hún brann í Köben munið þið ekki?  Klám, hagvöxtur og list styrkt af einkaaðilum er framtíðin, horfum í vestur,  horfum í austur,  horfum á þann sem okkur þykir bestur....og reynum að láta hann borga fyrir okkur flugvelli, þjónustu, tæki, tól og redda okkur varnarliði (en án svertingja).

Flugklúbbur Alþýðunnar

  

     Nú tæpri öld frá fyrsta fluginu í Vatnsmýrinni er flugrekstur þar  í blóma, undirritaður starfar fyrir Flugfélag Íslands og er með heimahöfn í Vatnsmýrinni, flýgur De Havilland Dash 8 106 sem flugfélagið tók nýlega í notkun, sú flugvélategund henntar einkar vel við íslenskar aðstæður, getur notast við stuttar flugbrautir og er búinn öflugum ísvarnarbúnaði.     Undirritaður tilheyrir einnig Flugklúbbi Alþýðunar ásamt 16 flugmönnum.   Klúbburinn á tvær Yakovlev flugvélar staðsettar í Vatnsmýrinni,  TF-BCX er Yakovlev 52 tveggja sæta kennslu og listflugvél.   Flugvélin er smíðuð í Rúmeníu og var notuð til að kenna herflugmönnum, flugvélin TF-BCW Yakovlev 18T er 4 sæta og getur athafnað sig á stuttum og grófum brautum hún var smíðuð í Rússlandi fyrir Skógareftirlitsstofnun Ráðstjórnarríkjana, þetta eru því merkilegir gripir og varðveisla þeirra og velferð okkar áhugamál.  Stofnendur klúbbsins voru Björn Thoroddsen fyrrverandi flugstjóri Loftleiða, Flugleiða, Páll I. Pálsson kennari Borgarholtsskóla, Júlíus Steinar Heiðarsson flugmaður Atlanta, Flugfélag Íslands og Róbert Magnús Kristmundsson flugmaður Atlanta.  Síðan hafa margir góðir bæst við.  Júlíus Björn Þórólfsson "fljúgandivirki" Íslandsflug, Atlanta hefur sinnt viðhaldi vélana frá upphafi og setti þær TF-BCX og TF-BCW saman með hjálp félagsmanna.  Það eru tveir heiðursmeðlimir í klúbbnum þeir Þórólfur Magnússon fyrrverandi flugstjóri hjá Vængjum, Arnarflugi og Íslandsflugi, sem hefur sinnt innanlandsflugi af miklum eldmóði í áratugi og einnig Kristmundur Magnússon fyrrverandi flugstjóri hjá Atlanta, Atlantsflugi, Arnarflugi, Iscargo og Transavia.